У Вікіпедыі ёсць артыкулы пра іншых асоб з прозвішчам Кільчыцкі. Віктар Міхайлавіч Кільчыцкі (14 кастрычніка 1942, г. Быхаў, Магілёўская вобласць) — беларускі і расійскі архітэктар.
Скончыў Усць-Каменагорскі будаўніча-дарожны інстытут у 1970 годзе. Працаваў у Арэнбургграмадзянпраекце, кіраўніком групы архітэктараў, галоўным архітэктарам праектаў у Магілёўграмадзянпраекце, Гомельграмадзянпраекце[1].
Член Саюза архітэктараў СССР з 1977 года. Пражывае ў Чарнаўцах[1].
Асноўныя працы: Дом піянераў у Орску, генпланы раённых цэнтраў Ілек, Адамаўка, Дом Саветаў у Наватроіцку Арэнбургскай вобласці (1970—1975), жылы дом у Чэрыкаве Магілёўскай вобласці (1983)[1], багажнае аддзяленне Магілёўскага вакзала (1985)[2], будынак навукова-тэхнічнага аб’яднання (цяпер тэхнапарк) у Магілёве[3].
Узнагароджаны дыпломам I ступені ВДНГ БССР.