У Вікіпедыі ёсць артыкулы пра іншых асоб з прозвішчам Кобызеў. Віктар Львовіч Кобызеў (нар. 7 красавіка 1957, Мінск) — беларускі архітэктар.
Скончыў у 1982 годзе БПІ. У 1982—1983 гадах працаваў мастаком-канструктарам у «Белбытрэкламе». У 1983—1985 гадах начальнік мастацкага бюро на Мінскім заводзе шасцерняў; у 1985—1987 гадах архітэктар у «Белрэстаўрацыі». У 1985—1997 гадах архітэктар, вядучы архітэктар у інстытуце «Мінскпраект», у 1997—2004 гадах архітэктар у будаўнічай фірме «ГлобалСтрой», з 2005 года галоўны архітэктар праектаў у ТАА «АрсПраект».
З 2011 года выкладчык архітэктурнага праектавання кафедры «Дызайн архітэктурнага асяроддзя» БНТУ.
Член Саюза архітэктараў СССР з 1988 года, член Саюза дызайнераў Беларусі з 2008 года.
Аўтар прыватных дамоў, інтэр’ераў кватэр, катэджаў, офісаў. Яго працы публікаваліся ў каталогах і часопісах «Интерьер+Дизайн», «Лучшие интерьеры», «Архітэктура і будаўніцтва Беларусі», «Мажардом».
Удзельнік і прызёр архітэктурных конкурсаў.