Віктар Андрэевіч Дарвішаў (2 лістапада 1897, г. Прылукі, Украіна — 12 кастрычніка 1951) — расійскі і беларускі рэжысёр.
Працаваў у тэатрах Расіі. У 1933-38 гадах мастацкі кіраўнік Беларускага дзяржаўнага тэатра-2. Імкнуўся спалучаць у творчасці тэатра тагачасную савецкую драматургію з беларускай нацыянальнай драматургіяй і рускай класікай. Сярод пастановак у БДТ-2: «Байцы» Б. Рамашова (1934), «Любоў Яравая» К. Транёва, «Беспасажніца» А.Астроўскага, «Вайна вайне» і «У пушчах Палесся» Якуба Коласа (1937).