У Вікіпедыі ёсць артыкулы пра іншых асоб з прозвішчам Астрога. Віктар Аляксандравіч Астрога (нар. 4 чэрвеня 1967, г. Баранавічы, Брэсцкая вобласць) — беларускі гісторык. Доктар гістарычных навук (2018), прафесар.
Скончыў Беларускі дзяржаўны ўніверсітэт (спецыяльнасць «Гісторыя», 1989; аспірантура, спецыяльнасць «Усеагульная і айчынная гісторыя», 1996).
Працаваў у Інстытуце гісторыі НАН Беларусі (1995—2002), Дзяржаўным камітэце пагранічных войскаў Рэспублікі Беларусь, Цэнтры пагранічных даследаванняў (2001—2005), Акадэміі кіравання пры Прэзідэнце Рэспублікі Беларусь (2002—2004), Мінскай цэнтральнай мытні. Выкладае ў Беларускім дзяржаўным універсітэце (факультэт міжнародных адносін, загадчык кафедры мытнай справы).
Навуковыя інтарэсы: гісторыя мытнай справы; гісторыя пагранічнай службы; мытнае права; гістарыяграфія.
Нагрудныя знакі «Выдатнік памежных войскаў» II ступені (2005), «Дзяржаўная мытная служба Беларусі. 15 год» (2006) і інш.