Віктар Іосіфавіч Гідрановіч (нар. 2 снежня 1938, в. Карысць, Салігорскі раён, Мінская вобласць) — беларускі біяхімік. Доктар біялагічных навук (1988), прафесар (1989).
Скончыў Віцебскі ветэрынарны інстытут (заатэхнічны факультэт, 1959; аспірантура, 1965).
Месца працы, пасада: Віцебская абласная сельскагаспадарчая доследная станцыя (1959—1963, старшы навуковы супрацоўнік), Віцебская дзяржаўная акадэмія ветэрынарнай медыцыны (1969—1998, прафесар кафедры арганічнай і біялагічнай хіміі, у 1971—1998 — загадчык кафедры), Віцебскі дзяржаўны ўніверсітэт імя П. М. Машэрава (1966—1969 — дацэнт кафедры хіміі, дэкан біёлага-хімічнага факультэта, 1998—2009 — прафесар кафедры хіміі), Віцебскі дзяржаўны медыцынскі ўніверсітэт (з 2009, прафесар кафедры арганічнай хіміі).
Навуковыя інтарэсы: вывучэнне вугляводнага абмену ў эндакрыннай сістэме жывёл; методыка выкладання біяарганічнай хіміі.