wd wp Пошук: ⬜

Віктар Іванавіч Бурскі

Ві́ктар Іва́навіч Бу́рскі (нар. 10 красавіка 1938, Бялынкавічы, Касцюковіцкі раён, Магілёўская вобласць, Беларусь) — беларускі палітык і дыпламат.

Біяграфія

Скончыў Беларускую сельскагаспадарчую акадэмію (1960), ВПШ пры ЦК КПСС. Працаваў галоўным аграномам, намеснікам начальніка, начальнікам Ляхавіцкага, Ганцавіцкага ўпраўленняў сельскай гаспадаркі, намеснікам начальніка ўпраўлення сельскай гаспадаркі Брэсцкага аблвыканкама (1962—1973).

У 1973—1975 гадах старшыня Кобрынскага раённага выканаўчага камітэта, пасля 1-ы сакратар Ляхавіцкага райкама КПБ, 1-ы намеснік старшыні Брэсцкага аблвыканкама. У 1987—1994 гадах старшыня Брэсцкага аблвыканкама, у 1991—1996 гадах таксама старшыня Брэсцкага абласнога савета[1][2].

Быў дэпутатам Вярхоўнага Савета БССР, Вярхоўнага Савета СССР, выбіраўся дэпутатам Брэсцкага абласнога Савета.

З 15 лютага 1996 года прызначаны Надзвычайным і Паўнамоцным Паслом Рэспублікі Беларусь ў Польшчы[3], адстаўлены 10 сакавіка 2000 года [4].

Узнагароды

Узнагароджаны ордэнамі Кастрычніцкай Рэвалюцыі, Працоўнага Чырвонага Сцяга (двойчы), медалямі[5].

13 сакавіка 1998 года ўзнагароджаны Ганаровай граматай Савета Міністраў[6].

Зноскі

↑ Database «Political Elites of Byelorussian Regions», Hokkaido University (руск.)
↑ Старонка Database «Political Elites of Byelorussian Regions», Hokkaido University падае, што Віктар Бурскі быў старшынёй Брэсцкага абласнога савета да 1994 года, але гэта памылка — ён быў старшынёй найменей да 30 жніўня 1995 года — Решение Брестского областного Совета депутатов от 30 августа 1995 г. № 254 «Об установлении административной ответственности за нахождение несовершеннолетних на улице в ночное время без присмотра родителей» Архівавана 1 чэрвеня 2012. (руск.)
↑ Указ Президента Республики Беларусь от 15 февраля 1996 г. № 76 «О назначении В. И. Бурского Чрезвычайным и Полномочным Послом Республики Беларусь в Республике Польша и присвоении ему дипломатического ранга Чрезвычайного и Полномочного Посла» Архівавана 9 чэрвеня 2012. (руск.)
↑ Указ Прэзiдэнта Рэспублікі Беларусь от 10 марта 2000 г. № 123 «Аб вызваленнi В.I.Бурскага ад пасады Надзвычайнага i Паўнамоцнага Пасла Рэспублiкi Беларусь у Рэспублiцы Польшча» Архівавана 20 верасня 2011.
↑ Яны кіравалі горадам і раёнам
↑ Постановление Совета Министров Республики Беларусь от 13 марта 1998 г. № 411 «О награждении В. И. Бурского Почетной грамотой Совета Министров Республики Беларусь»(недаступная спасылка) (руск.)

Спасылкі

Біяграфія (руск.)