У Вікіпедыі ёсць артыкулы пра іншых асоб з прозвішчам Дзьячэнка. Вячаслаў Іванавіч Дзьячэнка (нар. 16 снежня 1971, г. Есіль, Казахская ССР) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання.
Скончыў Гомельскі політэхнічны інстытут, інжынер-механік; Акадэмію кіравання пры Прэзідэнце Рэспублікі Беларусь, эканаміст-менеджар.
Працоўны шлях пачаў падручным сталявара на Беларускім металургічным заводзе, працаваў майстрам на дугавой сталеплавільнай печы, намеснікам начальніка, начальнікам коправага цэха, начальнікам аддзела тэхнічнага кантролю, начальнікам электрасталеплавільнага цэха № 1, галоўным спецыялістам па металургічнай вытворчасці адкрытага акцыянернага таварыства «Беларускі металургічны завод – кіруючая кампанія холдынга «БМК».
З’яўляўся дэпутатам Жлобінскага раённага Савета дэпутатаў дваццаць сёмага склікання.
З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання.
Узнагароджаны медалём «За працоўныя заслугі».
Жанаты, мае двух сыноў.