Вярэйкі
Вярэ́йкі[1] (трансліт.: Viarejki, руск.: Верейки) — аграгарадок у Ваўкавыскім раёне Гродзенскай вобласці. Уваходзіць у склад Вярэйкаўскага сельсавета.
Назва
Назва паходзіць ад ракі Верацейка. Рашэннем Ваўкавыскага раённага Савета дэпутатаў ад 25.03.2010 г. № 135 вёска пераўтворана ў аграгарадок без змянення назвы.
Гісторыя
У 1796 г. фальварак і вёска, належалі Тэадоры Біспінг(wd) бел.. У 1836 г. прыватная вёска, 12 двароў, 123 жыхары. У 1914 г. 32 двары, 211 жыхароў. З 15.01.1940 г. цэнтр сельсавета. 16.07.1944 г. вызвалена савецкімі войскамі.
Першы касцёл пабудаваны каля 1789 г., сучасны мураваны — у 1848 г. У 1865 г. перададзены праваслаўным. У 1826 г. узведзена царква.
Насельніцтва
На 01.01.2004 г. 395 дамоў, 1301 жыхар. На студзень 2012 г. 1085 жыхароў. Плошча 223,92 га, працягласць межаў — 12 789 метраў.
Інфраструктура
Ёсць 4 крамы, комплексны прыёмны пункт, аддзяленні сувязі і ААТ «Беларусбанк», бальніца, амбулаторыя, аптэка, сярэдняя і санаторна-лясная школы, дзіцячы сад, Дом культуры, бібліятэка, дзіцячая музычная школа.
Памятныя мясціны
- Касцёл Найсвяцейшай Дзевы Марыі (1830-я)
- Мемарыяльны крыж у памяць генерала Аляксандра Светчына (Свечына)(wd) бел. (XIX ст.)
- Сядзіба (XIX ст.)
- Царква Сабора Беларускіх Святых (1993—1996)
- Каталіцкая капліца (1930-я)
- Помнік малодшаму сяржанту Пятрову Фёдару Фёдаравічу, які загінуў у баі з нямецка-фашысцкімі захопнікамі ў ліпені 1944 г.,
- Помнік землякам (1965)
Зноскі
- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
Спасылкі
На Вікісховішчы ёсць медыяфайлы па тэме Вярэйкі
Катэгорыя·Населеныя пункты Ваўкавыскага раёна
Катэгорыя·Вярэйкі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вярэйкаўскі сельсавет
Катэгорыя·Аграгарадкі Гродзенскай вобласці
Катэгорыя·Населеныя пункты паводле алфавіта
Катэгорыя·Населеныя пункты Беларусі з насельніцтвам з Вікідадзеных