Вялікі Па́там (руск.: Большо́й Па́том[1][2]) — рака ў Азіяцкай частцы Расіі, у Іркуцкай вобласці, правы прыток ракі Лена.
Даўжыня ракі 570[3] (460[2][4] км). Плошча вадазбору 28 400[3] (29 600[2][4]) км². Сярэдні расход вады 360[2][4] (350[1]) м³/с, аб’ём сцёку — 11,046[1] км³/год. Выток ракі і вадазбор знаходзяцца на Патамскім нагор’і. Упадае ў Лену за 2334 км ад яе вусця, вышэй па цячэнню ад вусця ракі Алёкма. Рэчышча звілістае, з парогамі і перакатамі. У жыўленні ракі пераважаюць снегавое і дажджавое. Замярзае ў кастрычніку, вызваляецца ад лёду ў маі. Суднаходная ў нізоўях у перыяд высокага ўзроўню вады.
Прытокі: Бугарыхта, Джэмкукан, Мурукан (Маракан), Анангра, Мара, Салатах, Таймендра, Вялікі Туюкан, Талы Туюкан, Хайверга, Руская рэчка, Левы Турсук, правы Турсук, Юёсе-Куталаах, Басылаайка, Дбаргаалаах, Куталаах, Тампер, Малая Таймендра, Вялікая Таймендра, Нырыылаах, Талахтаах, Кудукта і іншыя рэкі і ручаі[3]. У басейне ракі 445 азёраў агульнай плошчай 15,6 км²[1].
Каля ракі пасёлак Маракан і сяло Вялікі Патам (Бадайбінскі раён).