Вялікі Белянок — возера ў Полацкім раёне Віцебскай вобласці, у басейне ракі Быстрыца, за 28 км у напрамку на паўднёвы захад ад Полацка каля вёскі Двор-Саланевічы.
Плошча паверхні 0,2 км², даўжыня 880 метраў, найбольшая шырыня 270 метраў. Плошча вадазбору 2 км².
Катлавіна возера выцягнутая ў напрамку з поўначы на поўдзень. Схілы катлавіны вышынёй да 11 метраў, заходнія пад лесам і хмызняком, усходнія разараныя. Ручаямі злучаецца з азёрамі Малы Белянок і Нявіда.