«Вялікая прыгажосць» (італ.: La grande bellezza) — мастацкі фільм 2013 года рэжысёра Паала Сарэнціна[13]. Галоўную ролю ў фільме выканаў Тоні Сервіла.
Джэп Гамбардэла адзначае свой 65-ы дзень нараджэння. Ён — вядомы журналіст, які працуе ў глянцавым часопісе. Вось толькі на свяце весела ўсім, акрамя самаго імянінніка. І гэта нягледзячы на тое, што навакол — шык і бляск, годны найлепшага карнавала. Мора закускі, выпіўкі і прыгожых людзей. Яго акружае прыгажосць і чароўнасць Рыма, але нішто не кранае яго глыбока маркотную душу…
Паводле інфармацыі сайта «Internet Movie Database» фільм быў адзначаны 60 кінаўзнагародамі і яшчэ 77 намінацыямі[14].