Вялі́кае Ста́хава[1] (трансліт.: Vialikaje Stachava, руск.: Великое Стахово) — вёска ў Барысаўскім раёне Мінскай вобласці. Уваходзіць у склад Прыгараднага сельсавета. Размешчана на паўночны захад ад Барысава, праз вёску праходзіць аўтадарога Н8114 «Барысаў — Касцюкі».
У часы Вялікай Айчыннай вайны пад нямецкай акупацыяй. З верасня 1941 года да 15 красавіка 1942 года ў вёсцы дзейнічала група падпольшчыкаў[2].
У 1924—1969 гадах цэнтр Велікастахаўскага сельсавета[3].