Вы́лазскае[2][1], № 24[1] — возера ў Пінскім раёне Брэсцкай вобласці Беларусі, у басейне ракі Ясельда, за 16 км у напрамку на паўночны ўсход ад Пінска, за 0,5 км на поўдзень ад вёскі Вылазы.
Плошча паверхні возера 0,3 (0,267[1]) км². Даўжыня 3,5 (4,2[1]) км, найбольшая шырыня 0,12 (0,15[1]) км, даўжыня берагавой лініі 8,7[1] км. Плошча вадазбору 6,22[2] км². Катлавіна возера моцна выцягнутая. Берагі забалочаныя. Дно плоскае, высланае ілам. Возера моцна зарастае. Праз каналы Вылазскае злучаецца з тарфяным кар’ерам, сістэмай сажалак і ракой Ясельда.