Выганашча́нскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — вёска Выганашчы.
Утвораны 12 кастрычніка 1940 года як Выганашчаўскі сельсавет у складзе Целяханскага раёна Пінскай вобласці БССР. Цэнтр — вёска Выганашча. З 8 студзеня 1954 года ў Брэсцкай вобласці. З 8 жніўня 1959 года ў складзе Лагішынскага раёна, з 25 снежня 1962 года — Пінскага раёна, з 6 студзеня 1965 года — Івацэвіцкага раёна. 5 сакавіка 1981 года сельсавет перайменаваны ў Выганашчанскі, а цэнтр сельсавета ў Выганашчы. 26 ліпеня 2013 года скасаваны, тэрыторыя далучана да Целяханскага сельсавета[1].
Насельніцтва сельсавета паводле перапісу 2009 года — 683 чалавекі[2], з іх 97,3 % — беларусы[3].
На момант скасавання ў сельсавет уваходзілі 2 населеныя пункты: Бабровічы і Выганашчы.