У Вікіпедыі ёсць артыкулы пра іншых асоб з прозвішчам Шутава. Вольга Паўлаўна Шу́тава (15 лютага 1944, в. Загародная, Камянецкі раён, Брэсцкая вобласць — 26 лістапада 1999) — беларуская спявачка (альт). Заслужаная артыстка Беларускай ССР (1973).
Нарадзілася ў 1944 годзе. Скончыла ў 1972 годзе Усерасійскую творчую майстэрню эстраднага мастацтва ў Маскве. Творчы шлях пачала ў мастацкай самадзейнасці. У 1968—1996 гадах салістка Беларускай філармоніі. Яе творчасці ўласцівы задушэўнасць у перадачы эмацыянальнага зместу песень, у т.л. народных. У рэпертуары пераважалі творы беларускіх і расійскіх кампазітараў, беларускія народныя песні.