У Вікіпедыі ёсць артыкулы пра іншых асоб з прозвішчам Салаўцоў.
Вольга Паўлаўна Салаўцова (нар. 15 студзеня 1952, Армавір, Краснадарскі край, Расія) — беларускі спецыяліст у галіне фізікі атамнага ядра і элементарных часціц. Доктар фізіка-матэматычных навук (2006).
Скончыла Маскоўскі дзяржаўны ўніверсітэт імя М. В. Ламаносава (спецыяльнасць «Фізіка», 1976; аспірантура, 1980).
Працавала ў Гомельскім дзяржаўным тэхнічным універсітэце імя П. В. Сухога (Міжнародны цэнтр перспектыўных даследаванняў, дырэктар, адначасова навукова-даследчая частка ўніверсітэта, галоўны навуковы супрацоўнік).
Навуковыя інтарэсы: тэарэтычная ядзерная фізіка; квантавая тэорыя поля; квантавая хромадынаміка.
Прэмія Аб’яднанага інстытута ядзерных даследаванняў (г. Дубна, Расія, 1985).