У Вікіпедыі ёсць артыкулы пра іншых асоб з прозвішчам Бертэль. Вольга Андрэеўна Бертэль (в. Вялікія Кавалічы, Гродзенскі павет — 21 верасня 1986, Гродна) — дзяржаўны і палітычны дзеяч. Член ВКП (б). Жонка заходне-беларускага камуністычнага і рэвалюцыйнага дзеяча Аляксандра Бертэля (1902—1939).
Падчас бітвы за Гродна пры далучэнні Заходняй Беларусі мясцовыя жыхары і польскія салдаты спалілі дом Бертэляў, застрэліўшы мужа і дачку, а таксама параніўшы сына. Вольга Андрэеўна моцна абгарэла, ратуючы другога сына.
З 1946 года была на гаспадарчай, грамадскай і палітычнай працы. У 1946—1965 гадах была рабочым, а пазнее і майстрам Гродзенскага гарбарнага завода № 4 .
Абіралася дэпутатам Вярхоўнага Савета Беларускай ССР 2-га склікання, Вярхоўнага Савета СССР 3-га склікання.
Памерла ў 1986 годзе ў Гродне.