«Вечныя» (англ.: Eternals) — амерыканскі фантастычны фільм 2021 года. З’яўляецца 26-й па ліку карцінай ў кінематаграфічным сусвеце Marvel.
Шмат тысячагоддзяў таму з планеты Алімпія на Зямлю была адпраўлена група звышлюдзей, якія валодаюць суперздольнасцямі, — Вечныя. З дагістарычных часоў яны абаранялі чалавецтва ад нападаў жудасных пачвар дэвіянтаў, але любое іншае ўмяшанне ў развіццё цывілізацыі ім было забаронена.
Пачатак ХХІ стагоддзя. Ужо некалькі стагоддзяў прайшло з таго часу, як быў знішчаны апошні дэвіянт, калі пасля дзіўнага землятрусу раптам аб’яўляецца новы монстар. Цяпер Вечным, якія жывуць у розных кутках планеты, зноў давядзецца згуртаваць сілы, каб супрацьстаяць новай пагрозе.