У паняцця ёсць і іншыя значэнні, гл. Воспа.
Ветраная воспа (вятранка), таксама ахват[3] — запаленне дыхальных шляхоў і скуры праз заражэнне фільтроўным вірусам вятранкі(англ.) бел., што перадаецца ад хворага найчасцей праз кашаль. Інкубацыйны перыяд складае 13-17 дзён. Суправаджаецца ліхаманкай, пухірковым высыпам на скуры і з’яўленнем расколін (язвачак) у поласці рота і глоткі. У перахварэлых выпрацоўваецца стойкі імунітэт[4]. Ад хваробы пераважна церпяць дзеці, асабліва ва ўзросце 2-6 год у сувязі з наведваннем дзіцячага садка. Прадухіляецца пры дапамозе адпаведнай вакцыны[5]. Ускладненне ў выглядзе запалення лёгкіх і мозгу найчасцей выклікае ў дарослых, чым нясе смяротную пагрозу[6].