Ваіна Барысаўна Сінюк (7 жніўня 1942, с. Нова-Казанка, Бузулукскі раён, Арэнбургская вобласць, Расія — 18 лістапада 2012) — мовазнавец, педагог, спецыяліст у галіне тэорыі і методыкі навучання рускай мове. Доктар педагагічных навук (1993), кандыдат філалагічных навук (1977), прафесар (Туркменістан, 1994; Беларусь, 1998).
Скогчыла Туркменскі дзяржаўны педагагічны інстытут (1966; аспірантура, 1976).
Працавала ў Туркменскім дзяржаўным педагагічным інстытуце (1966—1997, гісторыка-філалагічны факультэт, прафесар кафедры рускай мовы, у 1981—1982 — загадчык кафедры, 1989—1989 — дэкан факультэта), Брэсцкім дзяржаўным універсітэце імя А. С. Пушкіна (з 1997, філалагічны факультэт, прафесар кафедры славянскіх моў, у 2000—2008 — кафедры агульнага і рускага мовазнаўства).
Навуковыя інтарэсы: лексіка, фразеалогія рускай мовы; культура маўлення; лінгвістычны аналіз мастацкага тэксту.