У Вікіпедыі ёсць артыкулы пра іншых асоб з прозвішчам Давыдзёнак. Васіль Фёдаравіч Давыдзёнак (13 красавіка 1931, в. Слабада, Мёрскі раён, Віцебская вобласць) — беларускі архітэктар.
Скончыў Беларускі політэхнічны інстытут у 1961 годзе. Працаваў архітэктарам, галоўным архітэктарам праектаў у Казандзіпрасельгасвадбудзе, з 1966 года — кіраўнік майстэрні, галоўны архітэктар праектаў у Гроднаграмадзянпраекце.
Член Саюза архітэктараў СССР з 1975 года. Пражывае ў г. Гродне.
Асноўныя працы: генпланы г. Мартук Акцюбінскай вобласці (1962—1963); у аўтарскім калектыве: гандлёва-бытавыя прыбудовы да жылых дамоў па вул. Белуша (1969), будынак гаркама КПБ (1972), цэнтральны дыспетчарскі пункт «Гроднаэнерга» (1977), тры комплексы 5-, 13-павярховых жылых дамоў па вул. М. Горкага (1973—1980), 8-, 10-павярховыя жылыя дамы з блокамі абслугоўвання ў мікрараёне Фарты-2 (1975—1978), мікрараёны Фарты-1, Пярэселка-3 і Дзевятоўка (1981), Дом тэхнікі (1982) у Гродне, навучальны корпус з актавым і спартыўным заламі гандлёва-эканамічнага тэхнікума ў Навагрудку (1970).