У Вікіпедыі ёсць артыкулы пра іншых асоб з прозвішчам Нікіцін. Васіль Лукіч Нікіцін (12 студзеня 1915, в. Піхцяі, Віцебскі павет, Віцебская губерня, Расійская імперыя, цяпер — Віцебскі раён, Віцебская вобласць, Беларусь — 26 жніўня 2000) — беларускі савецкі дзяржаўны і партыйны дзеяч.
У 1936 годзе скончыў Віцебскі медыцынскі тэхнікум, а ў 1940 годзе Мінскае дзяржаўнае педагагічнае вучылішча імя Н. К. Крупскай.
У гады Вялікай Айчыннай вайны, з 1942 па 1944 гады камандзір 9-й партызанскай брыгады імя Кірава. Пасля вайны працаваў на кіруючых пасадах у партыйных, савецкіх і прафсаюзных органах савецкай улады. У 1958 годзе скончыў Вышэйшую партыйную школу пры ЦК КПСС.
З 1959 па 1961 гады старшыня Парыцкага раённага выканаўчага камітэта, а з 1961 па 1963 год — Светлагорскага раённага выканаўчага камітэта.