У Вікіпедыі ёсць артыкулы пра іншых асоб з прозвішчам Міхно. Васіль Кандрацьевіч Міхно (27 верасня 1955, г. Скідзель, Гродзенская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 27 верасня 1955 года ў г. Скідзель Гродзенскай вобласці.
Скончыў Гродзенскі дзяржаўны педагагічны інстытут імя Я. Купалы, настаўнік фізікі.
Працаваў настаўнікам сярэдняй школы № 34 г. Віцебска; майстрам вытворчага навучання Гродзенскага прафесіянальна-тэхнічнага вучылішча № 127 хімікаў; дырэктарам прафесіянальна-тэхнічнага каледжа бытавога абслугоўвання насельніцтва г. Гродна.
У 2012—2016 гадах — дэпутат Палаты прадстаўнікоў Нацыянальнага сходу Рэспублікі Беларусь V склікання.
Жанаты, мае двух сыноў.