Васі́ль Васі́льевіч Двара́нінавіч (нар. 10 красавіка 1948, Пінскі раён Брэсцкай вобласці) — беларускі дзяржаўны дзеяч, былы міністр сельскай гаспадаркі.
У 1978 г. скончыў Гродзенскі сельскагаспадарчы інстытут па спецыяльнасці вучоны-заатэхнік.
Да службы ў шэрагах Савецкай Арміі працаваў загадчыкам фермай калгасу ім. Мічурына Івацэвіцкага раёна Брэсцкай вобласці. Затым загадваў Пінкавічскай ветэрынарнай лячэбніцай.
У 1975-1990 гг. — прайшоў шлях ад галоўнага заатэхніка да старшыні калгаса “Дружба народаў” Пінскага раёна.
У 1990-1995 гг. — дырэктар міжгаспадарчы прадпрыемства “Паўднёвае” Пінскага раёна.
Працаваў старшынёй Пінскага раённага выканаўчага камітэта Брэсцкай вобласці.
Дэпутат Вярхоўнага Савета Беларусі (1990-1995), член Камісіі па праблемах Чарнобыльскай катастрофы. Член Савета Рэспублікі Нацыянальнага сходу Рэспублікі Беларусь, член Камісіі па эканоміцы, бюджэце і фінансах.
З 13 студзеня 1997 па 19 снежня 2000 года — намеснік старшыні Брэсцкага аблвыканкама, старшыня Брэсцкага раённага выканаўчага камітэта.
На працягу 2003 года займаў пасаду памочніка Прэзідэнта Рэспублікі Беларусь - галоўнага інспектара па Віцебскай вобласці.
З 24 снежня 2003[1] года па 25 мая 2004[2] года — міністр сельскай гаспадаркі і харчавання Рэспублікі Беларусь.
З 2004 г. працуе на пасадзе начальніка Смалявіцкага БКВП Нацыянальнага аэрапорта “Мінск”.