У Вікіпедыі ёсць артыкулы пра іншых асоб з прозвішчам Ісаеў.
Васіль Ісаевіч Ісаеў (руск.: Василий Исаевич Исаев; 10 мая 1854, Масква, Расійская Імперыя — 12 траўня 1911, Кранштат, Расійская Імперыя) — рускі мікрабіёлаг і эпідэміёлаг.
Нарадзіўся Васіль Ісаеў 10 мая 1854 года ў Маскве. У 1877 годзе скончыў медыцынскі факультэт Маскоўскага ўніверсітэта. У 1887 годзе паспяхова абараніў доктарскую дысертацыю аб змене кішачных гангліяў пры сухотах і некаторых іншых захворваннях і камандзіраваны на Неапалітанскую біялагічную станцыю для працы ў галіне заалогіі. З 1888 па 1891 год працаваў ваенна-марскім суднавым урачом у кругасветнае падарожжа на крэйсеры Адмірал Нахімаў і сабраў багатыя заалагічныя калекцыі. У 1889 годзе апублікаваў медыка-тапаграфічны нарыс аб востраве Маўрыкія. Васіль Ісаевіч з’яўляўся вучнем І. І. Мечнікава, дзе ў 1892 годзе ён вучыўся на курсах бактэрыялогіі і паспяхова скончыў іх. У 1892 годзе пераяжджае ў Кранштат, дзе да 1911 года працаваў медыцынскім інспектарам у Кранштацкім порце, адначасова з гэтым, з 1896 года займае пасаду галоўнага доктара Кранштацкага марскога шпіталя. На працягу трох гадоў Васіль Ісаевіч кіраваў працамі па эпідэміялогіі чумы ў лабараторыі форта Аляксандр I.
Памёр Васіль Ісаеў 12 мая 1911 года ў Кранштаце.