У Вікіпедыі ёсць артыкулы пра іншых асоб з прозвішчам Кашырын. Валянцін Мікалаевіч Кашырын (28 снежня 1937, Менск) — беларускі архітэктар.
Скончыў Беларускі політэхнічны інстытут у 1967 годзе. Працаваў у Белдзяржпраекце, з 1971 года — кіраўнік групы архітэктараў, галоўны архітэктар праектаў БелНДІПгорадабудаўніцтва.
Член Саюза архітэктараў СССР з 1971 года. Пражывае ў Мінску.
Асноўныя працы: генпланы Скідзеля (1968), Століна (1969), Дзятлава (1970), зоны адпачынку Лосвіда (1970); у аўтарскім калектыве: ПДП Навагрудка, Шчучына, Слаўгарада (1973), Іўя (1975), генпланы Мастоў (1971), Глуска (1973), Круглага, Веткі (1974), Чэрыкава, Воранава (1976). Апублікавана 12 артыкулаў у БелСЭ (1973—1975).