У Вікіпедыі ёсць артыкулы пра іншых асоб з прозвішчам Багданава. Валянцiна Уладзiмiраўна Багданава (нар. 4 кастрычніка 1947, с. Хароль, Прыморскі край, РСФСР) — беларускі хімік, спецыяліст у галіне фізічнай хіміі і хіміі высокамалекулярных злучэнняў. Доктар хімічных навук (2005), старшы навуковы супрацоўнік (1988), прафесар (2011).
Скончыла Беларускі дзяржаўны ўніверсітэт (спецыяльнасць «Хімія», спецыялізацыя «Фізічная хімія», 1969).
Працавала ў Беларускім дзяржаўным універсітэце (з 1969, хімічны факультэт, кафедра неарганічнай хіміі, навуковы супрацоўнік, з 1972 — Навукова-даследчы інстытут фізіка-хімічных праблем БДУ, лабараторыя вогнетушыльных матэрыялаў, загадчык лабараторыі).
Навуковыя інтарэсы: хімія цвёрдага цела; інгібіраванне гарэння; кампазіцыйныя матэрыялы.