У Вікіпедыі ёсць артыкулы пра іншых асоб з прозвішчам Цецераўкова. Валерыя Анатолеўна Цецераўкова (нар. 7 ліпеня 1956, г. Свярдлоўск, РСФСР) — беларускі архітэктар.
Скончыла ў 1979 годзе БПІ. З 1973 года ў інстытуце «БелНДПІэнергапрам», загадчыца групай.
Член Саюза архітэктараў СССР з 1986 года, пасля член Саюза архітэктараў Беларусі; член клуба «Феліта».
У складзе аўтарскага калектыва праектавала аб’екты энергетыкі: рэканструкцыя Мінскай ЦЭЦ-3; Мінская ЦЭЦ-5; рэканструкцыя Бярозаўскай ДРЭС; рэканструкцыя БелДРЭС, будаўніцтва ЦЭЦ на мясцовых відах паліва ў г. Асіповічы, Міні-ЦЭЦ на мясцовых відах паліва РК «Барань» у г. Барань; рэканструкцыя Гродзенскай ЦЭЦ-2, у Расіі — кацельня Паўночна-Заходняга раёна ў г. Курску; кацельная «Цэнтральная» ў г. Астрахань, ПГУ-ЦЭЦ 450 МВт у г. Яраслаўль.
Узнагароджана Ганаровай граматай ЦК КПСС, СМ СССР, УЦСПС і ЦК УЛКСМ (1987), Ганаровай граматай Мінэнерга РБ (2007). Ветэран беларускай энергасістэмы (2012).