У Вікіпедыі ёсць артыкулы пра іншых асоб з прозвішчам Балоцін. Валерый Уладзіміравіч Балоцін (нар. 20 сакавіка 1949, Мінск) — беларускі архітэктар.
Скончыў Беларускі політэхнічны інстытут у 1972 годзе. Працаваў у Мінскграмадзянпраекце, з 1980 года — кіраўнік групы архітэктараў у Белжылпраекце.
Член Саюза архітэктараў СССР з 1980 года. Пражывае ў Мінску.
Асноўныя працы (у аўтарскім калектыве): 15-павярховы жылы дом з ювелірнай крамай (1981) і аб’яднаны гандлёвы цэнтр па вул. Леніна (1984) у Салігорску, інтэр’еры будынка гарадскога Дому шлюбаў па вул. Камуністычнай (1984), добраўпарадкаванне жылога квартала ў раёне Прывакзальнай плошчы (1985) у Мінску, комплекс 9-павярховых жылых дамоў з блокамі абслугоўвання па вул. Леніна ў Маладзечне (1986).