У Вікіпедыі ёсць артыкулы пра іншых асоб з прозвішчам Юрчанка.
Валерый Пятровіч Юрчанка (7 лістапада 1943, с. Саснова-Азёрскае, Яраўнінскі раён, Бурація — 14 снежня 2008) — беларускі ўрач-анатам. Доктар медыцынскіх навук (2000), прафесар (2002).
Скончыў Гродзенскі дзяржаўны медыцынскі інстытут (1968; аспірантура, 1971).
Працаваў у Гродзенскім дзяржаўным медыцынскім універсітэце (1960—1962 і з 1971, лячэбны факультэт, кафедра аперацыйнай хірургіі і тапаграфічнай анатоміі, прафесар, у 1990—2001 і з 2006 — загадчык кафедры).
Навуковыя інтарэсы: варыянтная анатомія органаў брушной поласці; марфалагічныя змяненні сасудзістых спляценняў галаўнога мозга пры закрытай чэрапна-мазгавой траўме.