У Вікіпедыі ёсць артыкулы пра іншых асоб з прозвішчам Холад. Валерый Міхайлавіч Холад (8 лютага 1937, Віцебск) — беларускі вучоны ў галіне ветэрынарыі. Доктар біялагічных навук (1974). Прафесар (1977).
Скончыў Віцебскі ветэрынарны інстытут (1959). Працаваў ветэрынарным урачом у Шаркаўшчынскім раёне Віцебскай вобласці, з 1960 г. працуе ў Віцебскай дзяржаўнай акадэміі ветэрынарнай медыцыны, асістэнт, дацэнт, з 1966 г. загадчык кафедры хіміі.
Даследуе праблемы клінічнай біяхіміі сельскагаспадарчых жывёл. Аўтар больш як 120 навуковых прац, у тым ліку манаграфіі «Бялкі сывараткі крыві ў клінічнай і эксперыментальнай ветэрынарыі», «Даведніка па ветэрынарнай біяхіміі», атрымаў 2 аўтарскія пасведчанні на вынаходніцтвы.