Вадзім Іванавіч Тутаў (2 мая 1932, Багучар, Варонежская вобласць, Расія — 21 студзеня 1999) — спецыяліст у галіне ліцейнай вытворчасці. Доктар тэхнічных навук (1989), прафесар (1990).
Скончыў Ленінградскі політэхнічны інстытут (1955).
Працаваў у Фізіка-тэхнічным інстытуце АН БССР (з 1960), Беларускай дзяржаўнай політэхнічнай акадэміі (з 1972, механіка-тэхналагічны факультэт, кафедра «Металургія ліцейных сплаваў», прафесар).
Навуковыя інтарэсы: тэорыя і тэхналогія бесперапыннага ліцця загатовак суцэльнага і полага сячэння рознага профілю з чорных і каляровых сплаваў для машына- і станкабудавання.