У Вікіпедыі ёсць артыкулы пра іншых асоб з прозвішчам Даль.
Рут Біргіта Даль (шведск.: Rut Birgitta Dahl; нар. 20 жніўня 1937, лен Гётэбарг і Бохус, цяпер Вестра-Гёталанд) — шведская грамадская дзяячка. У розныя гады дэпутат і спікер Рыксдага, міністр некалькіх урадаў Швецыі.
Нарадзілася ў сям’і настаўніцы і дырэктара народнай сярэдняй школы. Жыла ў Сторвіку, Вестэросе і Валентуне, у 1950-х гадах пераехала вучыцца ў Упсалу.
У 1960 годзе атрымала ступень бакалаўра ва Упсальскім універсітэце, дзе вяла актыўную палітычную дзейнасць у студэнцкіх арганізацыях.
У 1990—1996 гадах была членам Выканаўчага камітэта Сацыял-дэмакратычнай партыі. У 1994—2002 гадах таксама была спікерам Рыксдага.
У 2005—2011 гадах была старшынёй шведскага аддзялення ЮНІСЕФ.
Двойчы замужам, мае 3 дзяцей.