Бяроза папяровая[4] (Betula papyrifera) — лісцёвае дрэва сямейства бярозавых.
Назва бярозы звязана з выкарыстаннем яе кары індзейцамі ў якасці матэрыялу для пісьма.
Іншыя назвы віда: бяроза канойская, бяроза амерыканская белая.
Лістападнае дрэва да 20 м (зрэдку — да 35 м) вышынёй і да 80 см дыяметрам. У дарослых дрэў кара белая, больш яркая, чым у астатніх відаў бяроз, адслойваецца тонкімі пласцінкамі. Лісты авальныя, па краях двойчызубчастыя. Кветкі ў доўгіх, звіслых каташках, плады дробныя, з крыльцамі, выспяваюць да канца лета.
Бяроза папяровая — піянер засялення. Ёй патрэбна ўрадлівая глеба і шмат сонца.
Распаўсюджана ў ЗША і Канадзе. Інтрадукавана на Беларусі.
Від Бяроза папяровая ўваходзіць у род Бяроза (Betula) падсямейства Бярозавыя (Betuloideae) сямейства Бярозавыя (Betulaceae) парадку Букакветныя (Fagales).
| яшчэ 7 сямействаў (згодна Сістэме APG II) |
яшчэ 1—2 роды | |||||||||||||||
| парадак Букакветныя | падсямейства Бярозавыя | від Бяроза папяровая | ||||||||||||||
| аддзел Кветкавыя, ці Пакрытанасенныя | сямейства Бярозавыя | род Бяроза |
||||||||||||||
| яшчэ 44 пападкі кветкавых раслін (згодна Сістэме APG II) |
яшчэ адно падсямейства, Coryloideae (згодна Сістэме APG II) |
яшчэ больш 110 відаў | ||||||||||||||