Бу Відэрберг (шведск.: Bo Widerberg, 8 чэрвеня 1930, Мальмё — 1 мая 1997, Бостад, Швецыя) — шведскі кінарэжысёр, адзін з пачынальнікаў т.зв. новага шведскага кіно.
У фільмах «Дзіцячая каляска» (1962), «Варонін квартал» (1960), «Каханне, 65» (1965), «Прывітанне, Раланд!» (1966) паказаў цікавасць да сацыяльных праблем, духоўнага свету пасляваеннага пакалення, пошукі новай кінематаграфічнай формы.
Сярод іншых фільмаў «Эльвіра Мадзіган» (1967), «Джо Хіл» (1971), «Змяіная сцежка» (1986), камедыя «Сапляк» (1974), дэтэктыў «Чалавек на даху».
Аўтар кнігі «Панарама шведскага кіно» (1962).