Бутурлінаўка (руск.: Бутурлиновка) — горад (з 1917) у Расіі, адміністрацыйны цэнтр Бутурлінаўскага раёна Варонежскай вобласці. Насельніцтва 26,5 тыс. чалавек (2005).
Размешчаны на паўночнай ускраіне Калацкага ўзвышша, на рацэ Асярэдзь (прыток Дона), за 180 км на паўднёвы ўсход ад Варонежа. Чыгуначная станцыя.
Заснаваны ў 1740 годзе, калі імператрыца Лізавета Пятроўна падарыла гэтыя землі генерал-фельдмаршалу А. Б. Бутурліну (1694—1767).
Харчовая прамысловасць, завод жалезабетонных вырабаў.