Булат Шалвавіч Акуджава (руск.: Булат Шалвович Окуджава, груз. ბულატ ოკუჯავა; 9 мая 1924, Масква — 12 чэрвеня 1997, Парыж) — савецкі і расійскі бард, паэт , празаік , кампазітар балад, лірычных і сатырычных песень, драматург , сцэнарыст.
Аўтар зборнікаў паэзіі «Сакавік велікадушны» (1967), «Арбат, мой Арбат» (1976), «Прысвячаецца вам» (1988), «Міласці лёсу» (1993). Пісаў таксама аповесці і раманы гістарычнай тэматыкі: «Будзь здароў, шкаляр!» (1961), «Бедны Аўросімаў» (1969), «Падарожжа дылетантаў» (1978), «Спатканне з Банапартам» (1983). Шэраг яго вершаў на беларускую мову пераклалі Рыгор Барадулін і Лявон Баршчэўскі.