У Вікіпедыі ёсць артыкулы пра іншых асоб з прозвішчам Уіліс. Брус Уіліс, поўнае імя: Уолтар Брус Уіліс (англ.: Walter Bruce Willis, 19 сакавіка 1955, Ідар-Оберштайн, Рэйнланд-Пфальц) — амерыканскі акцёр
, музыкант і кінапрадзюсар. Адзін з самых высокааплатных акцёраў Галівуда. Найбольшую вядомасць атрымаў за ролі ў такіх фільмах як «Дужы арэшак» (1988), «Крымінальнае чытво» (1994), «Дванаццаць малп» (1995), «Пяты элемент» (1997), «Армагедон» (1998), “Шостае пачуццё " (1999).
Б. Уіліс быў жанаты на вядомай актрысе Дэмі Мур. Яны маюць тры дачкі, але ў 2000 годзе яны развяліся. Іх шлюб доўжыўся 13 гадоў. З 2009 года Б. Уіліс ажаніўся з Эмі Гемінк (мадэль), з якой мае 2 дачкі.
Б. Уіліс нарадзіўся 19 сакавіка 1955 года ў Ідар-Оберштайне, федэральная зямля Рэйнланд-Пфальц, Заходняя Германія. Яго бацька Дэвід Уіліс быў амерыканскім вайсковым, што служыў у Германіі. Яго маці Марлен была немкай. У 1957 годзе пасля звальнення з войска бацькі забраў сям’ю ў ЗША, штат Нью-Джэрсі. Маці працавала ў банку, яго ацец працаваў рамонтнікам аўтамабіляў. Пад час вучобы ў школе Б. Уіліс пачаў удзельнічаць у школьных тэатральных кружках. Пасля заканчэння школы Б. Уіліс пачаў працаваць ахоўнікам або сторажам АЭС у Сэйлеме. У 1980-ыя гады Б. Уіліс пачынае спрабаваць іграць у тэатрах. Ён здымаецца ў некаторых карцінах. Адна з іх прыносіць яму вядомасць — «Святло месяца» (1985—1989).
Б. Уіліс пакінуў Нью-Ёрк і ад’ехаў у Каліфорнію, дзе іграў у некаторых тэлевізыйных перадачах. У 1984 годзе згуляў ролю другога плану ў кароткай дзеі ў карціне Паліцыя Маямі. У 1985 годзе кароткі выступ у карціне «Цёмны загон». Але найбольшы поспех Б. Уілісу прынёс серыял аб дэтэктыўнай службе Святло месяца. Затым Б. Уіліс здымаўся ў карцінах Блэйк Эдўардс 1987, Сляпая сустрэча, з Кім Бэсынджэр. Найбольш вядомым для Б. Уіліса стала карціна Не здавайся (1988), дзе згуляў Джона Маклайна. Затым меў ролі ў карцінах, якія ўжо не мелі такога поспеху, як Не здавайся. У канцы 1980-ых гадоў Б. Уіліс запісаў зборнік песень.
У 1990-я гады Б. Уіліс спрабаваў здымацца ў працягах найбольш паспяховай карціны «Не здавайся». Ён зняўся ў карцінах Не здавайся 2 (1990) і Не здавайся. Помста (1995). Гэта прынесла поспех Б. Уілісу. У пачатку 1990-ых гадоў Б. Ўіліс здымаўся ў няўдалых карцінах, што не прыносілі вядомасць і добры даход. У 1994 годзе ён зняўся ў кароткай ролі ў карціне Крымінальнае чытво. У 1996 годзе граў у дзіцячых маляваных карцінах, дзе агучваў ролі. Усяго зняўся Б. Уіліс у розных карцінах, але большасць было няўдалымі. Толькі адну з іх Армагедон (1998) можна назваць поспехам.
У 2000, Б. Уіліс атрымаў узнагароду Эмі за ролю бацькі ў камедыі. У гэтым жа годзе Б. Уіліс граў у карціне «Дзевяць крокаў», дзе граў ролю Цюльпана-забойцы. Штогод здымаўся. У 2007 годзе зняўся ў працягу Не здавайся пад назвай Жыві вольным, не здавайся. Разам з тым ён удзельнічаў у розных карцінах, дзе гуляў з Арнольдам Шварцэнэгерам, Сільвестрам Сталонэ і г. д.
У канцы 1987 года Б. Ўіліс пазнаёміўся з Дэмі Мур. 21 лістапада 1987 года ён жаніўся з ёй. Яна радзіла яму тры дачкі: Рамэр Уіліс (нар. 16 жніўня 1988), Скаўт Лару Уіліс (нар. 20 ліпеня 1991), Талула Бэл Уіліс (нар. 3 лютага 1994). Пазней 18 кастрычніка 2000 года Б. Уіліс развёўся з Дэмі Мур. Потым ён меў сувязь з актрысай Брук Бэрнс, але ў 2004 годзе яны расталіся. 21 сакавіка 2009 года ажаніўся з Эмай Гемінк. Яна нарадзіла дзве дачкі: Мэйбл Рэй Уіліс (нар. 1 красавіка 2012), Эвелін Пэн Уіліс (нар. 5 мая 2014).