Братаўка дуброўная[3], Братаўка гаёвая[4], Іван-ды-мар’я (Melampyrum nemorosum) — аднагадовая травяністая расліна сямейства заразіхавых.
Братаўка дуброўная, мядунка[5], іван-да-мар’я[5][6], брат з сястрою, дзвонец, дзень і ноч, сачоўка, чмельнік[5][7], братаўка, братоўка, брат-сястра[5][8][9][10], званец лугавы[5], браціц-сястрыца[11].
Расліна з ярка-жоўтымі кветкамі з чырвона-бурай трубкай і сіне-фіялетавымі прыкветкамі ў коласападобных суквеццях.
На тэрыторыі Беларусі расце ў лясах, хмызняках, на палянах, цвіце ў чэрвені—верасні.
Лекавая (супрацьзапаленчы, ранагаючы сродак) расліна. З лекавай мэтай выкарыстоўваюцца сцёблы, лісце, кветкі, плады.