Браніслаў Алегавіч Галяшэвіч (нар. 8 мая 1960, в. Рамшына, Шклоўскі раён, Магілёўская вобласць) — беларускі педагог, спецыяліст у галіне агульнай і музычнай педагогікі. Доктар педагагічных навук (2012), дацэнт (2004).
Скончыў Мінскі дзяржаўны педагагічны інстытут імя А. М. Горкага (спецыальнасць «Музыка і спевы», 1986), Магілёўскі дзяржаўны педагагічны інстытут імя А. А. Куляшова (аспірантура, 1995), Беларускі дзяржаўны педагагічны ўніверсітэт імя М. Танка (дактарантура, 2009).
Працуе ў Магілёўскім дзяржаўным універсітэце імя А. А. Куляшова (з 1989, факультэт пачатковай і музычнай адукацыі, кафедра музыкі і эстэтычнай адукацыі, з 2020 — загадчык кафедры).
Навуковыя інтарэсы: музычная адукацыя школьнікаў.
Грамата Міністэрства адукацыі Рэспублікі Беларусь (2013).