Бо́йдаты[1] (трансліт.: Bojdaty, руск.: Бойдаты) — вёска ў Ваўкавыскім раёне Гродзенскай вобласці. Уваходзіць у склад Роскага сельсавета.
У 1796 г. належала плябаніі Воўпаўскага касцёла, 50 жыхароў. У 1836 г. казённая вёска, 18 двароў, 120 жыхароў.
Да 2 снежня 1961 года вёска ўваходзіла ў склад Дзятлавіцкага сельсавета[2], да 29 верасня 1972 года — у склад Рэплеўскага сельсавета[3], да 18 кастрычніка 2013 года — у склад Роскага пассавета[4].
На 01.01.2004 г. 7 двароў, 19 жыхароў.