У Вікіпедыі ёсць артыкулы пра іншых людзей з імем Фаркаш.
Берталан Фаркаш (венг.: Bertalan Farkas; 1 жніўня 1949, Дзьюлахаза, Венгрыя) — першы венгерскі касманаўт. Герой Савецкага Саюза (1980). Герой Венгрыі (1980). Лётчык-касманаўт Венгрыі (1980).
Скончыў ваеннае вучылішча лётчыкаў (СССР; 1972). З 1978 года ў Цэнтры падрыхтоўкі касманаўтаў імя Ю. А. Гагарына. 26.5—3.6.1980 з В. М. Кубасавым здзейсніў (як касманаўт-даследчык) палёт на касмічным караблі «Саюз-36» і арбітальнай станцыі «Салют-6» (асноўны экіпаж Л. І. Папоў, В. В. Румін) з прыстыкаваным да яе касмічным караблі «Саюз-35», на якім вярнуўся на Зямлю. У космасе правёў 7,87 сутак.