БелГрад
БМ–21А «БелГрад», таксама Град-1А[1] — беларуская мадэрнізацыя савецкай РСЗА БМ-21 «Град» ад ААТ «2566 завод па рамонце радыёэлектроннага ўзбраення».
Стварэнне
З набыццём незалежнасці большую частку беларускіх РСЗА складалі БМ-21 «Град». У 1990-х перад камандаваннем беларускай арміі паўстала праблема значнага зносу аўтамабільных шасі сістэм БМ-21. Рашэнне гэтай праблемы было знойдзена ў замене арыгінальнага шасі «Урал-375Д» на шасі аўтамабіля падвышанай праходнасці МАЗ-6317[2]. Усе звязаныя з гэтым працы былі праведзены спецыялістамі Мінскага аўтазавода, Ваеннай акадэміі, навукова-тэхнічнага камітэта Міністэрства абароны і службы ракетна-артылерыйскага ўзбраення Узброеных Сіл[1].
Мадэрнізацыя атрымала найменне БМ–21А «БелГрад» і паступіла на ўзбраенне. Першы ўзор прадстаўлены ў 2001 годзе на вучэннях «Нёман-2001»[3].
Мадэрнізацыя
У баявой машыне размешчаны стэлаж для перавозкі боекамплекту, што дазваляе скараціць колькасць транспартна-зараджальных машын і паменшыць час перазараджвання. Былі заменены шасі УРАЛ-375 на шасі МАЗ-631705 з колавай формулай 6×6. Радыёстанцыю Р-108М памянялі на радыёстанцыю з палепшанымі характарыстыкамі. Усталяваны камплект стэлажоў 9Ф37 (9Ф37М) для размяшчэння 40 (60) рэактыўных снарадаў, камутацыйныя элементы для забеспячэння развароту артылерыйскай часткі на 180°С з мэтай забеспячэння зараджання вырабы са стэлажоў, пляцоўка наводчыка. Пераўсталяваныя буферы абмежаванні развароту артылерыйскай часткі на куты 67° направа і 180° налева ад падоўжнай восі шасі (ранейшы разварот – 67° направа і 99° налева ад падоўжнай восі), а таксама корпус ручнога прывада (разварот уверх на 120°) для забеспячэння пераводу ў баявое становішча дапрацаванага кранштэйна. Машына абсталявана гідраўлічнымі дамкратамі, якія забяспечваюць гарызантаванне і стабілізацыю артылерыйскай часткі ў баявым становішчы[4].
На ўзбраенні
Гл. таксама
Зноскі
- 1 2 Реактивная система залпового огня БМ-21 «Град-1А» (БелГрад)
- ↑ Модернизированную реактивную систему «Град» показали в действии
- ↑ подполковник Алексей Симоненко. Военно-техническая политика и вооружённые силы Республики Беларусь // журнал «Армия», № 5, 2003. стр.28-33
- 1 2 БМ-21А “БелГрад”
- ↑ Торжественный парад в честь Дня Независимости пройдет сегодня в Минске Архівавана 2 студзеня 2022.
Спасылкі
Тэмы гэтай старонкі (6):Катэгорыя·Зброя Беларусі
Катэгорыя·Артыкулы пра зброю без ілюстрацый
Катэгорыя·Рэактыўныя сістэмы залпавага агню
Катэгорыя·З’явіліся ў 2001 годзе
Катэгорыя·Зброя паводле алфавіта
Катэгорыя·Артыкулы пра зброю без ілюстрацый на Вікісховішчы