Безье (фр.: Béziers) — камуна (муніцыпалітэт) у Францыі ў рэгіёне Аксітанія недалёка ад Міжземнага мора.
Гэта адзін са старэйшых гарадоў Францыі: шматлікія археалагічныя раскопкі, якія праводзіліся з 1980-х гадоў, паказалі, што ён быў заснаваны грэкамі ў VII стагоддзі да нашай эры. Размешчаны на беразе ракі Орб, Безье з’яўляецца другім па колькасці насельніцтва муніцыпалітэтам у дэпартаменце Эро пасля Манпелье і пятым у рэгіёне Аксітанія з 78 000 жыхарамі. Вядомасць Безье паходзіць, у прыватнасці, ад вінаградарства, мясцовай зборнай па рэгбі і фэсту, які праходзіць тут кожнае лета каля 15 жніўня.