Батагай (руск.: Батагай, якуцк.: Баатаҕай) — пасёлак гарадскога тыпу ў Расійскай Федэрацыі, адміністрацыйны цэнтр Верхаянскага улуса (раёна) Рэспублікі Саха (Якуція). Размешчаны за Паўночным палярным кругам, ад Якуцка на адлегласці: наземным шляхам 1423 км, паветраным 705 км, водным 2785 км. Аэрапорт. Рачная прыстань. Насельніцтва 4187 (2009); 4074 чал. (2010).
Заснаваны на правым беразе ракі Яна паблізу радовішчаў волава. Уваходзіў у Дальбуд. З 1945 г. рабочы пасёлак.