Басідж (перс.: بسیج; Мабілізацыя), таксама Ніруе Могаветматэ Басідж (перс.: نیروی مقاومت بسیج; Мабілізацыя сіл супраціву), ‘Сазман-е Басідж-е Мостазафін (перс.: سازمان بسیج مستضعفین; Арганізацыя мабілізацыі прыгнечаных) — іранскае паўвайсковая апалчэнне, адна з пяці так званых «сіл» у складзе Корпуса Вартавых Ісламскай рэвалюцыі (КВІР). Заснаваны ў 1979 годзе, пасля ісламскай рэвалюцыі ў Іране, па ініцыятыве тагачаснага Вышэйшага кіраўніка Ісламскай Рэспублікі Іран — Рухалы Хамейні.
Басідж, па меншай меры, у тэорыі, падпарадкоўваецца Корпусу Вартавых Ісламскай рэвалюцыі і дзеючаму Вярхоўнаму кіраўніку аяталы Хаменеі. Аднак у шэрагу крыніц Басідж апісваецца як саюз разрозненых арганізацый, які ўключае лакальныя групы пад кантролем мясцовых уладаў.
Многія маладыя іранцы лічаць Басідж важным спосабам кар’ернага росту. Басідж не толькі гуляе дапаможную ваенную ролю, але таксама ажыццяўляе сацыяльную дапамогу, арганізуе рэлігійныя цырымоніі, ажыццяўляе нагляд за норавамі і палітычнымі настроямі[1][2]. Мясцовыя арганізацыі Басідж існуюць у кожным буйным горадзе[3].
| Кіраўнік | Перыяд |
|---|---|
| Алiрэза Афшар | 1990—1998 |
| Махамед Хеджазi | 1998—2007 |
| Хасейн Таеб | 2007—2009 |
| Махамед Рэза Нагды | 2009—2016 |
| Гулямхасейн Гейбпарвар | 2016—наш час |