Рухала́ Мусаві́ Хамейні́ (перс.: روحالله خمینی;17 мая 1900, па іншых дадзеных, нарадзіўся ў 1898 ці 1902 г. — 3 чэрвеня 1989) — аятала, рахбар (правадыр), лідар ісламскай рэвалюцыі 1979 года ў Іране. Вышэйшы кіраўнік Ірана з 1979.
Выкладаў у Куме, у 50-я гады атрымаў тытул «аятала». З 1963 года знаходзіўся ў апазіцыі да шаскага рэжыму Ірана. Яго арышт пацягнуў самыя буйныя хваляванні за дзесяцігоддзе, звыш 1000 забітых. Быў уладамі высланы ў Турцыю, затым пераехаў у Ірак, у 1978 годзе — у Парыж.