Бары Джэймс Маршал (англ.: Barry James Marshall; 30 верасня 1951, Калгурлі, Заходняя Аўстралія) — аўстралійскі ўрач, лаўрэат Нобелеўскай прэміі па фізіялогіі і медыцыне (2005). Прафесар клінічнай мікрабіялогіі Універсітэта Заходняй Аўстраліі. Упершыню паказаў, што язва страўніка ў большасці выпадкаў выклікаецца бактэрыяй Helicobacter pylori. Гэта абвергла старую медыцынскую дактрыну аб ролі стрэсу, вострай ежы і падвышанай кіслотнасці ў этыялогіі язвы. Кавалер ордэна Аўстраліі.