Барыс Тэвелевіч Мацэвіч (руск.: Мацевич Борис Тевелевич; 25 кастрычніка 1914, Ухвала Крупскі раён — 25 студзеня 2005, Чалябінск) — савецкі журналіст, публіцыст.
Скончыў Беларускі камуністычны інстытут журналістыкі (1939). Да 1941 рэдактар апошніх вестак на Беларускім радыё. На фронце з першых дзён вайны, быў цяжка паранены, знаходзіўся на лячэнні ў адным з ваенных шпіталяў Чалябінскай вобласці. У 1943-45 намеснік дырэктара школы ФЗН ў г. Міньяр. У 1945-49 рэдактар, галоўны рэдактар Чалябінскага радыёкамітэта. У 1949-68 ўласны карэспандэнт газеты «Чалябінскі рабочы» ў Залатавусце. У 1968-70 загадчык аддзела газеты «Вячэрні Чалябінск».