У Вікіпедыі ёсць артыкулы пра іншых асоб з прозвішчам Дземідовіч. Бары́с Па́ўлавіч Дземідо́віч (2.3.1906, Навагрудак, Гродзенская вобласць — 23.4.1977) — савецкі матэматык. Доктар фізіка-матэматычных навук (1963), прафесар (1965). Заслужаны дзеяч навукі РСФСР (1968). Сын беларускага фалькларыста П. П. Дземідовіча. Аўтар зборніка задач па матэматычным аналізе, аднаго з самых вядомых у матэматычным асяроддзі былога СССР.
У 1927 годзе закончыў БДУ. З 1935 года ў Маскоўскім дзяржаўным універсітэце.
Навуковыя працы па тэорыі устойлівасці, якаснай тэорыі звычайных дыферэнцыяльных ураўненняў. Аўтар падручнікаў па матэматыцы для ВНУ.